Fasnacht 2018

Guggemuusig Schränz-Gritte 1950

Mir marschieren yy…

Es isch e granggi Wält, wo Spinner und arroganti Blondscheepf mittlerwyyle dien regiere. Me duet mit Grieg, Gwalt und Waffe-Parade die ganz Mentschhait provozieren und briskiere. Die ainte deert im Mittleren- und Färnen-Oschte, die andere im Land vo den unbegränzte Meegligkaite. Jeede läbt sini Macht und si Ego uss – es bsinnt an dunggli und schlimmi Vergangenhaite. Als De-Eskalations-Kampagne und emene Fasnachtsdrill dien mir die griegerisch Nimmersatte am Cortège erzie, mit Instrumänt uusstatte und ghaim-dienstlig gnaustens bschatte.